Unë i kam shumë qef perimet, dhe supa është një mënyrë shume e thjeshtë dhe e shpejtë për ti shijuar ato. Një pjatë supë e ngrohtë, një batanije rreth këmbëve, nje dokumentar apo serial në Netflix dhe sigurisht macet e mia, janë mënyra më e mirë për të kaluar pasditet e dimrit.
Kjo supë me lulelakër është super kremoze dhe e shijshme, e kërkon vetëm 5 përbërës për tu përgatitur, pa numëruar erëzat. E meqënëse po flasim për erëzat, ju mund të luani me erëzat tuaja të preferuara, për ti shtuar shije kësaj supe, e për ta bërë çdo herë ndryshe.
Supë e thjeshtë me lulelakër
Prep
Cook
Total
Yield 4-6 persona
Ingredients
Përbërësit
- 1 lulelakër e madhe, rreth 700 g
- 1 presh mesatar, do të përdorim vetëm pjesën e bardhë
- 1 lugë gjelle vaj ulliri
- ½ kupë (100 ml) ajkë qumështi (pana, jo e ëmbël)
- 4 kupa ujë, ose lëng perimesh
- Kripë
- Piper
- 1 lugë çaji (tsp) xhinxher pluhur
- Pak arrë moskati
- Pak spec djegës i tharë e i grirë shumë imët (opsionale)
- Fruta të thata të copëzuara (arra, bajame, stika, lajthi etj)
Instructions
Përgatitja
- Pastroni lulelakrën, priteni në lule dhe lëreni mënjanë.
- Pastroni preshin, priteni hollë, dhe lëreni mënjanë.
- Në një tenxhere të madhe kavërdisni preshin me një lugë vaj ulliri, për 3-4 minuta.
- Shtoni lulelakrën dhe gatuajeni për 2-3 minuta të tjera.
- Shtoni ujin dhe lëreni të ziej për rreth 30 minuta, ose deri sa lulelakra të jetë zbutur.
- Hiqeni nga zjarrin dhe bluajeni përbërjen me një blender dore, deri sa të jetë bërë kremoze.
- Shtoni panën, kripë, piper, xhinxherin pluhur dhe arrën e moskatit e trazojini mirë.
- Ndajeni supën në pjatat ku do ta shërbeni dhe shtoni sipër frutat e thata që keni zgjedhur dhe pak spec djegës.
E kam provuar mbreme dhe Ishte shume e shijshme?.
Me behet shume qefi ? ju befte mire ?