Pas një fundviti me kalori pa fund nga gjithë biskotat, panetonet, bakllavate, kadaifi e ushqime të tjera të shijshme, por të rënda, dua vetëm të konsumoj perime, supë, sallata.
E para që përgatita ishte kjo sallatë me lakër të bardhë dhe fruta, që në fakt kisha premtuar ta postoja që vitin e kaluar. Është e freskët, e lehtë dhe plot shije. Edhe salca është gjithashtu fantastike, athtësia e limonit, balancohet nga ëmbëlsia e portokallit, dhe sigurisht qe nuk mungon edhe vaji i ullirit, si mesdhetare tipike që jam.
Sallatë me lakër dhe fruta
Prep
Cook
Total
Yield 2-4 persona
Ingredients
Përbërësit
Për sallatën
- ¼ e një lakre të mesme, ose ½ e një lakre të vogël
- 2 mandarina, ose 1 portokall
- 1 mollë
- 1/3 kupë arra të qëruara
- 50 g djath parmixhano ose kackavall i prerë në kubik
- ¼ kupë rrush i thatë
- Kripë
- Piper
- Arrë moskati e grirë
Salca
- ½ limon (lëngu)
- ½ portokall (lëngu)
- 2 lugë gjelle vaj ulliri
Instructions
Përgatitja
- E presim hollë lakrën dhe e vendosim në një tas të madh.
- E shtypim pak me duar që të humbas pak volumin.
- Presim mollën në kubik ose shirita dhe e shtojmë te lakra.
- Qërojmë portokallin, ose mandarinat dhe i shtojmë tek sallata.
- Shtojmë edhe arrat, djathin dhe rrushin e thatë.
- Shtojmë kripë, piper dhe arrë moskati dhe e përziejemë mirë.
- Ndërkohë, përgatisim salcën.
- Shtojmë lëngun e portokallit, limonit dhe vajin e ullirit në një kavanoz dhe e tundim fort në mënyrë që të bashkohet mirë përbërja.
- Hedhim salcën mbi sallatë dhe e trazojmë sërish.
- E shijojmë menjëherë.
Notes
Shënim: 1 kupë = 1 filxhan standard me volum 240 ml
Lini një Përgjigje