Kinoa me karkaleca dhe kunguj

Korrik 21, 2017 ~ Mandarina ~ Lini një koment

Kinoa me karkaleca dhe kunguj Rreth 2 muaj më parë bëra një pytësor të vogël në faqen e Mandarina në facebook, ku pyesja lexuesit e blogut se cfarë do të donit të ndaja më shumë tek Mandarina. Jam shumë e lumtur që zgjedhja juaj e parë ishtë “receta të shëndetshme”, sepse unë besoj shumë te fuqia që ka ushqimi për të ndikuar shëndetin tonë si dhe më pëlqen të eksperimentoj me gatime të shëndetshme.

Kinoa me karkaleca dhe kunguj është si sinonim i ushqimit të shëndetshëm. Receta është shumë e thjeshtë për tu ndjekur dhe rezultati është kjo pjatë fantastike në aromë, shije dhe ngjyra.

Në varësi të sezonit mund të zgjidhni perimet tuaja të preferuara. Spinaqi, bizelet, preshi apo asparagu mund të ishin zëvendësues shumë i mirë i kungullit në këtë pjatë.

Kinoa me karkaleca dhe kunguj Vazhdoni leximin →

Galetë integrale me qershi

Korrik 18, 2017 ~ Mandarina ~ Lini një koment

galete me qershi Gjithmonë më ka pëlqyer thjeshtësia e galetave me fruta. Galetat kërkojnë pak përbërës dhe rezultati është shumë shpërblyes.

Këtë herë po ndaj me ju recetën e galetës me qershi në formën e vet më të thjeshtë. Zgjidhni qershitë më të ëmbla që do gjeni, lodhuni pak duke i qëruar e duke bërë rrëmujë përreth e më pas kënaquni duke shijuar një fetë galetë të freskët.

Për të përgatitur këtë galetë me qershi kam përdorur miell integral, për më shumë vlera ushqyese, por nëse doni të qëndroni te receta klasike mund të përdorno recetën bazike të brumit brize që është shumë e përshtatshme për galeta dhe tarta.

Mbushja është shumë e thjeshtë për tu përgatitur, mjafton të bashkoni qershitë pa bërthamë, sheqer dhe niseshte.

Uroj t’iu kem tunduar sadopak të ndizni furrën në këto ditë të nxehta.

galete me qershi

Vazhdoni leximin →

Cheesecake pa pjekje me freski limoni

Korrik 12, 2017 ~ Mandarina ~ Lini një koment

No-bake cheesecake Në çdo rast që do t’iu duhet të përgatisni një ëmbëlsirë super të shpejtë që kënaq shijet e shumë personave, zgjidhja është ky cheesecake pa pjekje. Është lehtësisht i ëmbël prej qumështit të kondensuar të ëmbëlsuar dhe i freskët prej limonit. Shkon shumë me fruta të freskëta ose reçel.

Ky cheesecake është pa pjekje, kështu që është një zhgjidhje e shkëlqyer për në verë, pasi nuk do iu duhet të ndizni sobën apo furrën.

No-bake cheesecake

Vazhdoni leximin →

Jufka shtëpie me porçini të thara

Korrik 10, 2017 ~ Mandarina ~ Lini një koment

Jufka Një nga avantazhet e të qënit blogere ushqimi, është fakti që gjithë miqtë të llastojnë duke të sjell për të provuar produkte të veçanta. Dhurata e fundit ishin Jufka të bëra në shtëpi.

Jufkat janë pasta tradicionale shtëpie që kanë në përbërje miell gruri, vezë dhe qumësht. Ato lihen të thahen dhe mund të ruhen për disa muaj.

Mënyra tradicionale e përgatitjes së jufkave është në furrë me mish pule ose qengji, por duke qenë se së fundmi nuk e konsumoj më mishin duhet të gjeja një mënyrë kreative për ti gatuar. Kështu zgjodha një tjetër përbërs fantastik shqiptar, kërpudhat porçini të thara të Pukës. Rezultati ishte i shkëlqyer, mezi pres ti gatuaj sërish. Nëse jeni kurioz të provoni receta të tjera tradicionale mund të gjeni shumë prej tyre në blog.

Jufka

Vazhdoni leximin →

Reçel i shëndetshëm me luleshtrydhe dhe fara çia, gati në pak minuta

Qershor 29, 2017Korrik 19, 2017 ~ Mandarina ~ Lini një koment

Recel luleshtrydheje i shendetshem Unë e kam shumë qef reçelin. Për shumë vite, deri sa zbulova magjinë e tërshërës mëngjeset e mia ishin bukë me gjalp dhe reçel, shoqëruar me një gotë qumësht.

Sa më shumë rritemi, aq më të kujdesshëm bëhemi për shëndetin, e duke qenë se sheqeri është një nga përbërësit më të dëmshëm fillova të kërkoja forma alternative të përgatitjes së reçelit. Të kuptohemi drejt, vazhdoj ta kem shumë qef reçelin tradicional dhe e konsumoj herë pas here, por jam shumë e lumtur që kam gjetur edhe një version më të shëndetshëm. Pasi kërkova shumë në internet e shkëmbeva biseda me persona që pëlqejnë të eksperimentojnë me gatimin sikurse unë, arrita te kjo recetë për përgatitjen e këtij reçeli me fara çia. Çia ka aftësinë që të përthithi lëngjet dhe të kthej përmbajtje të lëngshme në xhelatinoze, kështu që është shumë e thjeshtë që të transformojmë disa kupa fruta në reçel fantastik të ëmbëlsuar në mënyrë natyrale, në pak minuta. Pra, çia jo vetëm është përbërësi magjik për puding të shëndetshëm, por edhe për reçel të shëndetshëm.

Përgatitja e reçelit me fara çia është shumë e thjeshtë, ju thjesht ju duhet të bluani disa kupa me fruta në blender, të shtoni shurup panje ose mjaltë si dhe përbërësin magjik, farat e çias. Pas pak orëve farat çia do të thithin lëngjet e lëshuara nga frutat dhe do krijojnë një përbërje me konsistencën e reçelit.

Reçelin me fara çia unë e përgatis në dy mënyra, të gatuar dhe të pagatuar, të cilat po i ndaj më poshtë me ju.

Versioni i pagatuar është më i thjeshtë, dhe ka shije më të fortë të frutave të freskëta, ndërsa versioni i gatuar ka shijë shumë të ngjashme me reçelin tradicional.

Raportet që përdor për të përgatitur këtë reçel janë gjithmonë 1 kupë pure frutash me 1 lugë gjelle fara çia. Ju mund ti përshtasni këto raporte në varësi të konsistencës që preferoni. Nëse e doni reçelin pak më të lëngshëm mund ta ulni pak sasinë e farave, kurse nëse e doni më të mpiksur mund të shtoni pak sasinë e farave çia.

Për të përgatitur këtë reçel zgjodha luleshtrydhet, duke qenë se janë në sezon dhe unë personalisht i kam shumë qef, por ju mund të zgjidhni mes shumë frutave si manaferrave, boroninca, mjedra etj.

Recel me luleshtrydhe dhe fara cia

Vazhdoni leximin →

Lule kungulli të mbushura me rikota dhe fara luledielli

Qershor 23, 2017Qershor 23, 2017 ~ Mandarina ~ Lini një koment

Lule kungulli te mbushura Lulet e kungullit janë një nga përbërësit e mi të preferuar të verës, sidomos të mbushur me rikota, lëkurë limoni dhe fara luledielli. Janë kaq të bukura, e kaq të shijshme, sa i gatuaj sa herë të mundem.

Lulet e kungullit të mbushura janë të shkëlqyera kur keni ndonjë festë, apo kur po bëheni gati të shihni një film me miqtë.

Unë I përgatis të pjekura, ose të skuqura me pak vaj. Në të dyja rastet dalin shumë të mira.

Shoku im i quan lulet e kungullit të mbushura “krahë pule vegjetariane”. U bë disa muaj që ne nuk konsumojmë mish (edhe pse ende konsumojmë peshk), dhe po përpiqemi të gjejmë mënyra alternative për të marrë proteina. Lulet e kungullit mbushur me rikota janë një mënyrë shumë e mirë, pasi rikota është e pasur në proteina.

Vazhdoni leximin →

Tartë me brumë brize dhe krem pastiçerie

Qershor 19, 2017 ~ Mandarina ~ Lini një koment

Nëse jeni në kërkim të një recete të thjeshtë e të ëmbël për ditët e verës, kjo tartë me brumë brize dhe krem pastiçerie është e duhura. Për këtë ëmbëlsirë kam përdorur 2 nga recetat e mia bazë dhe sipër kam shtuar luleshtrydhe të freskëta.

Tarta me brumë brize dhe krem pastiçerie është e shkëlqyer kur do mblidheni me miq, dhe duket shumë bukur edhe si ëmbëlsirë ditëlindjeje, sidomos tani në verë, kur tortat me shumë kate duken disi të renda. Thjesht iamgjinoni sa bukur do dukej një qiri sipër kurorës me luleshtrydhe.

Për të përgatitur këtë ëmbëlsirë filloni nga përgatitja e bazës me brumin brize, recetën e të cilit e gjeni këtu. Më pas përgatisni kremin e pastiçerisë me recetën bazike të kremit të pastiçerisë, recetën e të cilit e gjeni këtu.

Shtroni kremin e pastiçerisë mbi brumin brize të pjekur dhe më pas shtoni fruta të freskëta, e lëreni ëmbëlsirën të qëndrojë për rreth 2 orë në frigorifer. Unë zgjodha luleshtrydhe pasi jane në sezon, shijojnë shkëlqyer dhe janë shumë të bukura. Shijojeni tartën të freskët nga frigoriferi.

Tarte me krem pasticerie

Recetat e Mandarina në email-in tuaj

Kek të vegjël në shkop mbuluar me çokollatë të zezë

Qershor 15, 2017 ~ Mandarina ~ 3 Komente

kek te vegjel ne shkop Kekët e vegjël në shkop, apo sic i quajmë të gjithë tanimë nga anglishtja “cake pops” janë shumë të lezetshëm dhe shumë të shijshëm. Personalisht i kam shumë qef e nuk mërzitem asnjëherë duke i përgatitur e dekoruar.

Këta kek janë të shkëlqyer për çdo rast, që nga festat e ditëlindjes e deri te dasmat, si dhe një mënyrë e shkëlqyer për të përdorur kekun që mund t’ju ketë tepruar.

Kombinimi im i preferuar i kekëve të vegjël në shkop është kek + reçel mbuluar me çokollatë të zezë.

Përgjithësisht si bazë për kekët në shkop përdor kekun tim me kardamom, por çfarëdo lloj keku bën punë. Mjafton ta shkërmoqni kekun me duar, të shtoni reçelin dhe të formoni toptha të vegjël. Këto të fundit i vendosni në shkop, i lini pak minuta në frigorifer e më pas i mbuloni në çokollatë të zezë.

Vazhdoni leximin →

Sallatë me patate të ëmbël, mel dhe gjethe jeshile

Qershor 12, 2017 ~ Mandarina ~ Lini një koment

Sikurse ju kam thënë, unë i kam shumë qef sallatat. Kësaj here po ndaj me ju një dashuri të vjetër, sallatën me patate të ëmbla, mel dhe gjethe jeshile.

Kjo sallatë fantastike, me shijet e tokës, ishte nga ato sajesat rastësore që ndodhin kur pastrojmë frigoriferin.

Kisha pak spinaq e sallatë jeshile të mbetur në frigorifer, si dhe ca mel të gatuar. Shtova dhe nje patate të ëmbël që gjithashtu kishte ca ditë që rrinte në dollap, dhe baza e sallatës ishte gati.

Për ta pasuruar shijen i shtova ca fara kungulli dhe susami si dhe përgatita një marinim me pak tahini, vaj ulliri, limon dhe açeto balsamike fiku.

Nëse doni të provoni receta të tjera sallatash keni shume zgjedhje në blog.

Sweet potato and greens salad

Vazhdoni leximin →

Picë me bazë lulelakre – një recetë për të mos u humbur

Qershor 8, 2017 ~ Mandarina ~ Lini një koment

Pica me bazë lulelakre është një alternative shumë e këndshme krahas picës klasike, si dhe një mënyrë shumë e mirë për të konsumuar më shumë perime.

Receta që përdor për bazën e kësaj pice është përshtatur shumë pak nga receta origjinale e “Assorted bites”, me të cilën na bashkon ndër të tjera dashuria për ushqimin dhe kurioziteti për të provuar përbërës e receta të reja. Kjo recetë për picën me bazë lulelakre është shumë e thjeshtë për tu ndjekur dhe kërkon përbërës të thjeshtë që të gjithë i kemi në kuzhinë.

Përsa i përket shijeve, ju mund të luani me përbërësitë sipër picës si të dëshironi. Çdo gjë që shkon tek pica e zakonshme rri shumë mirë edhe te pica me lulelakër.

Cauliflower pizza

Vazhdoni leximin →