Unë vdes për sallata. Janë të freskëta, të thjeshta për tu përgatitur, të lehta, të shijshme, plot me ngjyra dhe të lënë të fantazosh sa të duash, e të miksosh lloj-lloj përbërësish. Kohët e fundit kam përgatitur shpesh këtë sallate që është një miks spinaqi të freskët, sallate portokalli me shege dhe luleshtrydhesh. Më pas i shtoj pak parmixhano, fara, bajame, dhe përfundimi është ky miksimi plot me ngjyra dhe shije.
Përgatis një marinim shpejt e shpejt dhe një super pjate është gati në më pak se 5 min. Duke qenë se marinimi i sallatës është pika ime e dobët, kam renditur 4 opsione nga të cilat zgjedh herë pas here.
Sallatë me spinaq dhe luleshtrydhe
Ingredients
Përbërësit
- 2 duar spinaq të freskët
- 20 g parmixhano
- 5-7 luleshtrydhe
- 1 portokall me shegë
- 2 lugë gjelle bajame të pjekura pak
- 1 lugë gjelle miks farash (çia, lini, susami, luledielli) të pjekura pak
Marinimi i sallatës
Versioni 1
- 2 lugë gjelle vaj ulliri
- 1 lugë gjelle lëng limoni
- Kripë
- Piper
Versioni 2
- 2 lugë gjelle vaj ulliri
- 1 lugë çaji tahini
- 1/2 lugë çaji mjaltë
- 1 lugë gjelle limon
- Kripë
- Piper
Versioni 3
- 1 lugë gjelle vaj ulliri
- 1 lugë çaji uthull balsamike
- Kripë
- Piper
Instructions
Përgatitja
Copëtojmë me dorë spinaqin.
Shtojmë luleshtrydhet dhe portokallin e prerë.
Përgatisim marinim e sallatës duke i trazuar mirë gjithë përbërësit dhe ia hedhim sallatës. E trazojmë duke u kujdesur që e gjithë sallata të marrë marinimin.
Në fund shtojmë sipër bajamet e copëtuara, farat dhe parmixhanon.
Lini një Përgjigje