Mandarina

Happiness is homemade

Biskota me kakao dhe tahini

By 4 Comments

Tahini & chocolate cookies

Ju tashmë e njihni dashurinë time për tahinin, gjalpin e susamit i cili shton një shije shume të veçantë në receta të ëmbla e të kripura.

Tahini është sekreti pas një humusi fantastik, bën shumë kremoze e me një shije shumë të veçantë salcat për sallatat, shijon shkëlqyer mbi një fetë bukë shoqëruar me mjaltë ose reçel, dhe mbi të gjitha kombinohet shkëlqyer me shijen e çokollatës.  Më në fund një nga shoqet e mia, Ina ra në dashuri me tahinin, pasi shumica e njerëzve që më rrethojnë dhe e kanë provuar, e gjejnë pak të fortë si shije.

Duke qenë se Ina bleu një kavanoz tahini, donte ndonjë recetë të veçantë me të. Fillova të testoja dhe pas disa eksperimenteve gjysëm të suksesshme, më në fund arrita te kjo recetë për biskota me kakao dhe tahini, që është shumë e dashur për mua.

Biskotat me kakao dhe tahini janë shumë të thjeshta për tu përgatitur dhe mund ti ruani për rreth 3 javë. Besoj do argëtoheni shumë kur ti përgatisni e ti ndani me miqtë, sepse të gjithë do t’iu pyesin cili është përbërësi sekret që i jep atë shijen e veçantë.

Biskota me tahini dhe kakao

Biskotat me tahini dhe kakao janë shumë të thjeshta për tu përgatitur dhe kanë një shije shumë të veçantë e cila vjen nga kombinimi i tahinit me kakaon.

Ingredients

  • 1&3/4 kupa miell për çdo përdorim
  • 1/2 kupë kakao e paëmbëlsuar
  • 1 lugë çaji (tsp) fryrës për ëmbëlsira
  • Pakëz kripë
  • 150 g gjalp
  • ¼ kupë tahini
  • ¼ kupë fara susami
  • 3/4 kupë sheqer (Mund te perdorni der ne 1 kupe, ne varesi te nivelit te embelsise qe preferoni)
  • 1 vezë

Instructions

  1. Rrihni gjalpin me sheqerin deri sa masa të bëhet kremoze.
  2. Shtoni tahinin dhe përziejeni mirë.
  3. Shtoni vezën dhe vazhdoni ti rrihni.
  4. Në një enë tjetër bashkoni miellin, kakaon, fryrësin për ëmbëlsira, kripën dhe farat e susamit.
  5. Bashkoni përbërësitë e thatë me të lagësht deri sa masa të bëhet homogjene.
  6. Vendoseni masen ne frigorifer per rreth 30 min.
  7. Pasi brumi të ketë pushuar, nxirreni të qëndrojë 5-10 minuta në temperaturë ambienti, para se të filloni përgatitjen e biskotave.
  8. Parangrohni furrën në 180 gradë dhe bëni gati një tepsi të madhe me letër pjekjeje.
  9. Formoni biskotat duke perdorur nje luge akulloreje.
  10. Piqini në furrën e parangrohur për rreth 8-10 minuta.
  11. Lërini të ftohen plotësisht para se ti konsumoni.
  12. Pasi të jenë pjekur, vendosini në një ene me mbyllje hermetike e mund ti ruani deri në 3 javë.

Notes

1 kupe – 1 gote/ filxhan me volum 240 ml

Reader Interactions

Comments

Lini një Përgjigje