Si vajzë mesdheu që jam, i dashuroj ditët me diell. Dimri është disi i vështirë për ne, sidomos ditët me shi, kështu që mundohem të gjej mënyra për ta bërë sa më të ëmbël. Ky miks për të përgatitur çokollatë të ngrohtë në shtëpi, është fiks ajo që iu duhet në këto raste. Shkon shkëlqyer me biskota të bëra në shtëpi, e me një film të bukur apo një pasdite me miqtë.
Miksi për çokollatë të ngrohtë përgatitet shumë thjeshtë, mjafton të bashkoni gjithë përbërësit, që me siguri i keni të gjithë në shtëpi dhe ti ruani në një kavanoz qelqi me mbyllje hermetike. Sa herë të dëshironi çokollatë të ngrohtë mjafton të ngrohni pak qumësht, të shtoni pak nga miksi i çokollatës së ngrohtë e ta gatuani në zjarr të avashtë.
Miksi për çokollatën e ngrohtë është fantastik edhe për dhuratë. Paketojeni bukur, e gëzoni miqtë e të afërmit.
Miks për çokollatë të ngrohtë të bërë në shtëpi
Ingredients
Përbërësit
- 150 g çokollatë e zezë
- ½ kupë (60 g) sheqer pudër
- 1 & ½ - 2 lugë gjelle (45-60 g) niseshte, në varësi të se sa kremoze e preferoni
- 1 kupë pa 1 lugë gjelle (100 g) kakao e hidhur
Instructions
Përgatitja
- Prisni çokollatën shumë imët.
- Bashkoni gjithë përbërësit në një enë, e miksojini shumë mirë.
- Hidheni miksin në një kavanoz qelqi e ruajeni deri në një muaj.
- Për të përgatitur çokollatën e ngrohtë mjafton të shtoni 3 lugë çaji nga miksi për çdo 200 ml qumësht në një enë të thellë, e ta gatuani në zjarr mesatar në të ulët, deri sa përbërja të filloj të trashet disi.
- Shijojeni të ngrohtë.
Lini një Përgjigje