Mësojmë të gatuajmë së bashku

Kur vizitova Fermën Albanik 3 vite më parë, u dashurova me këtë vend, i thjeshtë, i dashur, i ngrohtë e miqësor.

Elona, një  vajzë fantastke shqiptare dhe Madjid, një zotëri shumë interesant francez drejtojnë fermën. Para rreth 5 vitesh, ata vendos të këmbenin jetën e qyteti për atë të fshatit dhe ndërtuan fermën dhe bujtinën e tyre. Historia është patjetër pak më e komplikuar dhe romantike se kaq, por ju ftoj ti pyesni për historinë e tyre, kur të vizitoni fermën.

Një gotë vere pranë zjarrit, muzika e mirë, dhe maçoku më i ëmbël që kisha njohur do mjaftonin që të doja ta vizitoja fermën sërish, e megjithatë nuk ishte vetëm kaq.

Shumë shpejt zbulova që Madjid gatuante shkëlqyer, e kombinonte me shumë elegancë teknikat e sofistikuara franceze me përbërësit dhe erëzat e Lindjes së Mesme. Si super foodie që jam, u mrekullova. Në atë kohë nuk dija ende të gatuaja, por sapo kisha filluar të jetoja vetëm e të eksperimentoja me kuzhinën. Përfundova duke e mbytur me pyetje Madjid, për çdo gjë që kishte gatuar, e ai iu përgjigj me durim të gjithave.

Madjid më pyeti nëse do isha e interesuar të merrja pjesë në një workshop gatimi që do organizonte në fermë, atëherë si pjesmarrëse, e sigurisht që u entuziazmova shumë. Projekte të tjera ishin në radhë, më pas ferma ndryshoi vendondhjen nga Elbasani në Përmet, dhe workshopi u shty për 3 vjet.

Por, ja ku jemi, Madjid dhe Elona po organizojnë workshopin e parë të gatimit për fillestarë dhe unë do jem bashkë me ta, kësaj here duke iu shpjeguar si të gatuajmë ëmbëlsira të thjeshta e super të shijshme në kushte shtëpie. Workshop do të organizohet në Fermën Albanik nga data 2-4 Mars.

Më poshtë gjeni gjithë programin e detajuar. Për çdo pyetje lidhur me programin mund të kontaktoni me mua ose me Fermën Albanik, për çdo pyetje që lidhet me qëndrimin, kostot, dhe ambientet e fermës, ju lutem referojuni Fermës Albanik. Nxitoni pasi janë vetëm 10 vende.

Mësojmë të gatuajmë së bashku – Programi i detajuar

Fotot nga Ed Pagria