A ju pëlqejnë mandarinat kineze? Janë shumë të shijshme e të lezetshme, dhe me to mund të përgatisni një gliko fantastike.
Nuk e di pse është kaq e vështirë ti gjesh në treg në Shqipëri, por sa herë i gjej, nxitoj të përgatis këtë gliko super të shijshme. Më pëlqen ta kombinoj me bukë të thekur dhe gjalp, ose ti mbulojë me çokollatë e ti shijoj si karamele.
Glikoja e mandarinave kineze është një dhuratë fantastike gjithashtu, kështu që nëse gjeni në treg, mos hezitoni ti blini dhe të përgatisni këtë recetë.
Gliko me kumkuat, aka mandarina kineze
Ingredients
Përbëresit
- 1 kg mandarina kineze
- 750 g sheqer
- 2 kupa (480 ml) ujë
- 4-5 boçe cardamom (opsionale)
Instructions
Përgatitja
- Vendosini mandarinat kineze në një tas të madh, e mbulojini me ujë. Lërini të qëndrojnë kështu përgjatë gjithë natës.
- Ditën tjetër, mbushni një tenxhere të madhe me ujë e vendoseni të vlojë.
- Kur arrin pikën e vlimit, shtoni mandarinat kineze dhe lërini të ziejnë për 5-10 min.
- Derdheni ujin, shpëlajini mandarinat kineze me ujë të ftohtë dhe lërini mënjanë.
- Vendoseni sërish tenxheren me ujë të ziej, e kur arrin pikën e vlimit shtoni mandarinat kineze e lërini të ziejnë për 5-10 minuta.
- Përsëriteni këtë proçes 2-3 herë.
- Në fund lërini mandarinat kineze të ftohen disi e më pas shpojini me pirun ose me një kunjë druri, në 3-4 vende.
- Në një tenxhere të madhe, bashkoni sheqerin, mandarinat kineze dhe ujin, e vendosini të ziejnë së bashku.
- Kur të arrij pikën e zierjes, uleni temperaturën dhe lëreni të gatuhet avash për rreth 30-40 min, ose deri sa shurupi të filloj të trashet.
- Kujdesuni që të largoni shkumën që formohet gjatë zierjes.
- Ndajeni glikonë në kavanoza të sterilizuar e ruajeni deri në një vit.
Lini një Përgjigje