E kam ndjekur TEDx Tirana që në vitin e parë kur është organizuar në Shqipëri, dhe jam shumë e lumtur që çdo vit pritet me të njëjtën dëshirë dhe kuriozitet, dhe njerëzit vazhdojnë flasin për të gjatë, pasi e kanë ndjekur.
Kur organizatorët e TEDx Tirana më kontaktuan mua dhe Nevilën, vajzën pas “Bake My Day Happy” për të mbuluar pjesën e kateringut gjatë pushimit të TEDx u lumturova shumë, e sigurisht që u ndjeva edhe e nderuar që më besuan.
Të gatuash në një kuzhinë të vogël për më shumë se 350 persona dukej shumë sfiduese, por duke qenë se sfidat janë ato që na rrisin, nuk hezitova të pranoj.
Në ditët e para kisha një miks ndjesish mes lumturisë që po shpenzoja kaq shumë kohë në kuzhinë e frikës nëse cdo gjë do shkonte sic duhet. Jam shumë e lumtur që nuk isha vetëm në gjithë këtë, këshillat dhe motivimi i Bake my day happy ishin një ndihmë shumë e madhe.
Për fat arrita ta mbaroja çdo gjë në kohë, dhe kur pashë tavolinën të rregulluar ishte shumë emocionuese. TEDx ishte një mundësi e shkëlqyer për të njohur kontaktuar drejtpërdrejtë me qindra njerëz e për të ndarë me ta pasionin tim.
Sikurse mund ta shihni nga fotot për TEDx kisha përgatitur kek të thërrmuar, biskota me vaj ulliri, mini-kekë me limon dhe fara lulëkuqeje, qofte vegjetariane me patate, pica role, role me pesto dhe humus me perime.
Kjo është pa dyshim një nga eksperiencat më sfiduese, por edhe më të bukura që kam patur, kështu që po e mbyll me një falenderim për të gjithë ata që ishin pjesë e saj, TEDx Tirana, Bake My Day Happy, Eco Market, gjysma ime më e mirë, që më mbështet gjithmonë në nismat e mia dhe motrën e vogël, që është njëkohësisht këshilluesja ime më e mirë.
Shënim : Fotot e këtij postimi janë bërë nga vullnetarët e TEDx Tirana.
Lini një Përgjigje