“Biskota” me reçel

Kjo ëmbëlsirë është si një “biskotë e madhe”, e cila ndahet më pas në porcione individuale. Sipër i shtrojmë reçel për një shije edhe më interesante.

Përgatitja është shumë e shpejt dhe e thjesht dhe do iu shpëtoj nëse keni nevojë të përgatisni diçka shpejt e shpejt.

Koha e përgatitjes : 1 orë

Përbërësit

Për 10-12 persona

  • 100 g gjalp i zbutur në temperaturë ambienti
  • 1/4 kupë sheqer
  • 1 1/4 kupë miell
  • 1/4 kupë miell semolina (nëse nuk ju pelqen semolina, ose nuk e gjeni në supermarket, mund ta zëvendesoni me miell normal)
  • Pak kripë
  • 1/2 lugë çaji (tsp) fryrës për ëmbëlsira
  • 1 lugë gjelle (tbs) susam i zi
  • 1 lugë gjelle (tbs) susam i bardhë
  • 2 tbs arrë kokosi e grirë
  • 1/2 kupë reçel ( në këtë rast kam përdorur reçel luleshtrydheje)

Shënim : 1 kupë – 1 filxhan/gotë me volum 240 ml

Përgatitija
Ngrohim furren në 180°.

Rrahim gjalpin me sheqerin deri sa të përftohet një masë kremoze.

Shtojmë miellin, semolinën, kripën dhe fryrësin e ëmbëlsirave dhe i miksojmë deri sa të formohet brumi.

E shtrojmë brumin në një tepsi rrumbullake me diametër 24 cm dhe e shpojmë pak me pirun.

E pjekim për 15 min.

E nxjerrim nga furra, e lëme të ftohet për rreth 5 min. Shtrojmë reçelin sipër, e spërkasim me farat e susamit dhe e vendosim sërish në furrë për rreth 15 min.

E heqim nga furra, i shtojmë sipër arrën e kokosit dhe e lëmë të ftohet në tepsi për 10-15 min.

Më pas e heqim nga tepsia dhe e presim në 10-12 pjesë. E lëmë të ftohet plotësisht përpara se ta servirim. Pjesën e mbetur e ruajmë në një enë të mbyllur hermetikisht për rreth 1 javë në temperaturë ambienti.

Recetat e Mandarina në email-in tuaj

Vendosni adresën e email-it tuaj për tu regjistruar.

Lini një Përgjigje